බ්‍රිතාන්‍ය සිනමාවේ පිබිද එන බලාපොරොත්තුව හෙවත් නැගී එන නළුවා සම්මානය ජැක් ඕ කොනල් (Jack O'Connell)සතු විය. Boy Hood සිනමා නිර්මාණය හොඳම චිත්‍රපටයට හිමි සම්මානයෙන් පිදුම් ලැබූ අතර හොඳම අධ්‍යක්ෂණය ඇතුළු සම්මාන ත්‍රිත්වයකට ම Boy Hood චිත්‍රපටයට හිමි විය.එම චිත්‍රපටය සම්මාන 5ක් සඳහා නිර්දේශ වී තිබුණි.හොඳම බ්‍රිතාන්‍ය චිත්‍රපටය ලෙස The Theory of Everything චිත්‍රපටය සම්මානයට බදුන් වූ අතර හොඳම වාර්තා චිත්‍රපටයට හිමි සම්මානය Citizenfour චිත්‍රපටය විසින් දිනා ගනු ලැබීය. හොඳම විදෙස් චිත්‍රපටය වූයේ (ඉංග්‍රීසී බසින් නිර්මාණය කරන ලද) පෝලන්ත චිත්‍රපටයක් වූ Ida චිත්‍රපටයයි.
The Grand Budapest Hotel චිත්‍රපටය වැඩිම සම්මාන ප්‍රමාණයක් සඳහා නිර්දේශ වූ චිත්‍රපටය වන අතර වැඩිම සම්මාන ප්‍රමාණයක් දිනා ගනු ලැබූ චිත්‍රපටය ද විය. හොඳම ස්වතන්ත්‍ර තිර රචනය (අන්තෝනි මක්කාට්න්)සම්මානය මෙන්ම හොඳම චිත්‍රපට සංගීතය (ඇලෙක්සැන්ඩර් දෙස්ප්ලැට් ) යන සම්මානයන් ඒ අතරින් ප්‍රධාන තැනක් ගනී.
හොඳම සහය නළුවා ලෙස Whiplash හී ටෙරන්ස් ෆ්ලෙචර් ගේ චරිතයට පණ පෙවූ ජේ. කේ. සීමන්ස් (J. K. Simmons) සම්මානයට පාත්‍ර වූ අතර හොඳම සහය නිළිය සම්මානය Boyhood චිත්‍රපටයේ ඔලිවියා එවන්ස් ලෙස රඟපෑ පැට්‍රිෂියා ආකියුට් (Patricia Arquette) හට හිමි විය.
හොඳම සජීවී කරණ චිත්‍රපටය ලෙස The Lego Movie චිත්‍රපටය සම්මානයෙන් පිදුම් ලැබූ අතර එය පිල් ලෝඩ් ගේ සහ ක්‍රිස්ටෝපර් මිලොර් ගේ නිර්මාණයකි. බ්‍රයන් ජේ ෆල්කොනර්, මයිකල් ලේනොක්ස් සහ රොනල් බ්ලේ ගේ නිර්මාණයක් වූ Boogaloo and Graham චිත්‍රපටය මෙවර හොඳම කෙටි චිත්‍රපටය ලෙස සම්මානයට පාත්‍ර විය.
ඇමරිකන් ස්නයිපර් චිත්‍රපටය හොඳම අනුවර්තිත පිටපත සහ හොඳම ශබ්ද යන සම්මාන ද්විත්වය සඳහා නිර්දේශ වී තිබුණ ද කිසිදු සම්මානයකට හිමි කම් කීමට අපොහොසත් විය.එය බොහෝ පිරිසකගේ අවධානයට බදුන් වූ කරුණකි.
මෙම උළෙලේදී මයික් ලෙයි ගෞරව සම්මානයෙන් පිදුම් ලබන ලදී. ඔහු අධ්‍යක්ෂක වරයෙකු මෙන් ම රචකයෙකු ලෙස සිනමාවට සහ නාට්‍ය ක්ෂේත්‍රයට කළ මෙහෙවර වෙනුවෙන් මෙසේ සම්මානයට බදුන් විය.
0 comments :
Post a Comment