අලියා භාත් ( Alia Bhatt ) පැවත එන භාත් පවුල

ආලියා බාත් ( Alia Bhatt ) පැවත එන්නේ බොලිවුඩ් සිනමාවේ විවිධ ඉසවු නියෝජනය කරමින් එහි පෝෂණය වෙනුවෙන් කැපවුණු කලා පවුලකිනි. එහි මුල් පුරුක වූයේ නානාභායි භාත් වේ. 1915 ජූනි 12 වෙනිදා උපත ලද නානභායි තම පරම්පරාව ඉතිහාස ගත කරන්නට පටන් ගත් පළමු වැන්නා ලෙස 1992 දී බොලිවුඩ් චිත්‍රපට අධ්‍යක්ෂණයට පිවිසියේය. ඒ ඉරණම් චිත්‍රපටය වූයේ මුඛාබලා ( Muqabala ) චිත්‍රපටයයි. Kangan චිත්‍රපටය එම යුගයේ ආදායම් වාර්තා අතරට පැමිණි චිත්‍රපටයක් වූ අතර එය නානාභායි ගේ නිෂ්පාදනයකි. චිත්‍රපට සියයකට පමණ අධ්‍යක්ෂණයෙන් සහ නිෂ්පාදනයෙන් දායක වූ නානභායි දියණියන් පස් දෙනෙකු ගේ සහ පුතුන් සිවු දෙනෙකුගේ පියෙකි.ඔහුගේ දෙවන විවාහය සිදු වූයේ ෂිරින් මොහොමඩ් අලී සමඟිනි. ඇය ද බොලිවුඩ් රංගන ශිල්පිනියක් විය. ඔවුන් දෙදෙනාට දාව මෙලොව උපන් මහේෂ් බාත් පියා මෙන් ම අධ්‍යක්ෂණයෙන් සහ නිෂ්පාදනයෙන් මෙන් ම තිර රචනයෙන් ද බොලිවුඩ් සිනමා ව පෝෂණය කළේය. නානාභායි ගේ මුකේෂ් භාත් සහ රොබින් භාත් යන පුතුන් දෙදෙනා ද සිනමාවට සම්බන්ධව කටයුතු කළෝය.

මහේෂ් බොලිවුඩ් සිනමාවේ සම්මාන ලාභී චරිතයක් බවට පත් විය . Saaransh, Janam, Arth, Daddy, Hum Hain Rahi Pyakare වැනි ඔහුගේ අධ්‍යක්ෂණයෙන් නිර්මාණය වූ චිත්‍රපට සඳහා ෆිල්ම් ෆෙයාර් සම්මාන බොහොමයක් හිමි විය.

නානභායිගේ පුත් මුකේෂ් ද මහේෂ් මෙන් ම පියාගේ අඩි පාරේ ගමන් කරනු ලැබීය. ඔහු බොලිවුඩ් සිනමාවේ ජනප්‍රිය නිෂ්පාදකවරයෙකු බවට පත් විය. තම සොයුරු මහේෂ් භාත් අධ්‍යක්ෂණය කළ Jurm චිත්‍රපටය නිෂ්පාදනය කරමින් සිනමා ක්ෂේත්‍රයට පිවිසි මුකේෂ් ඉන් අනතුරුව නිෂ්පාදනය කළ චිත්‍රපට කිහිපයක් ම ෆිල්ම් ෆෙයාර් සම්මාන හිමි කරගන්නට සමත් විය. ඒ අතර Dil Hai Ki Manta Nahin, Razz, Ghulam යන චිත්‍රපට ද වේ.

නානාබායි ගේ තවත් පුතෙකු වූ රෝබීන් භාත් තිර රචකයෙක් ලෙස බොලිවුඩ් සිනමාවේ තම නම ස්ථාවර කර ගන්නට සමත් විය. Koi Mil Gaya, Aashiqu, Baazigar, Chalthe Chalthe ආදී චිත්‍රපට හැත්තෑවකට අධික ප්‍රමාණයක් සඳහා රොබීන් විසින් තිර රචනය කර තිබේ.

මහේෂ් භාත් ගේ දෙවැනි විවාහයේ දියණියක වූ පුජා භාත් ( Pooja Bhatt ) අනූව දශකයේ බොලිවුඩය වසඟ කළ සුරූපී රංගන ශිල්පිණියක් විය. ඇය ඉන් ඔබ්බට ගොස් අධ්‍යක්ෂකවරියක සහ නිෂ්පාදකවරියක ලෙස ද සිනමාලොව ජය ගත්තාය. පූජා සිනමාවට අත් පොත් තැබුවේ ඇගේ පියා (මහේෂ් භාත් ) ගේ ම අධ්‍යක්ෂණයක් වූ Daddy චිත්‍රපටය තුළිනි. ඇය හින්දි, තෙළිඟු සහ දමිළ චිත්‍රපට සඳහා ද රංගනයෙන් දායක විය. ඇය අධ්‍යක්ෂණය කළ චිත්‍රපට අතර Paap, Dhoka, Holiday යන චිත්‍රපට ද වේ.