ඇත්තෙන් ම මෙවන් සුපිරි තාරකාවක් ෆිල්ම් ෆෙයාර් සම්මාන උළෙලට පැමිණීම පුදුමය දැනවිය යුතු කරුණක් නොවුණත් දීපිකාගේ පැමිණීම පුවත් මවන්නට හේතුවක් වුණා. එසේ සිදු වූයේ දීපිකා පදුකෝන්(Deepika Padukone) විසින් ඇගේ ඡායාරූපයක් පුවත්පතක පල කර තිබූ ආකාරය පිළිබඳ ටයිම් පුවත් පත් සමූහය සමඟ ගැටුමක් ඇතිකරගෙන තිබීමයි. ෆිල්ම් ෆෙයාර් උළෙල සංවිධානය කරණු ලැබුවේ මෙම ටයිම් පුවත් පත් සමූහය විසිනි. කර පළල් හැට්ටයකින් සැරසී සිටි එම ඡායාරූපය පල කිරීම සම්බන්ධව සිය අප්‍රසාදය ප්‍රසිද්ධියේම ප්‍රකාශ කර සිටි දීපිකා මේ පිළිබඳ ඇගේ ටුවිටර් පිටුවේ ද සඳහන් කර තිබුණේ කාන්තාවන්ට ගරු කරන්නට නොදන්නේ නම් කාන්තාවන් බල ගැන්වීම පිළිබඳ කතා නොකර සිටින ලෙසයි.
මේ පිළිබඳ තව දුරටත් සඳහන් කරමින් දීපිකා කියා තිබුණේ ඇය මෙම වසරේ ෆිල්ම් ෆෙයාර් උළෙලට සහභාගී නොවන බවයි. එහෙත් දීපිකා පදුකෝන් (Deepika Padukone) ඇගේම ප්‍රකාශය බොරුවක් බවට පත් කරමින් සුදු පැහැ ඇදුමකින් සැරසී මෙවර ෆිල්ම් ෆෙයාර් සම්මාන උළෙලට පැමිණ සිටියේ මුව සිනහවකින් සරසාගෙන ය. එහිදී දිව දෙකේ කෙනෙක් ලෙස ඇය පිළිබඳ කතා කළ අය අතර ප්‍රශ්ණ දුර දිග ඇදගෙන නොයෑම පිළිබඳ ඇයට ප්‍රසංශා කළ පිරිසක්ද සිටියා.
>
0 comments :
Post a Comment