කෙසේ වෙතත් ලොස් ඇන්ජලිස් හී ශ්‍රේෂ්ධිකරණ විනිසුරු ජේම්ස් බ්‍රෑන්ඩ්ලින් මහතා විසින් ක්‍රිස් බ්‍රවුන්(Chris Brown) හට නිදැල්ලේ සිටිය හැකි කාලය මාර්තු මස මෙම නඩුව නැවත කැඳවන තෙක් දීර්ඝ කර තිබුණි. ඔහු එම තීරණය ගෙන තිබුනේ බ්‍රවුන් (Chris Brown) ගේ පරිවාස කාලයේ සේවය කළ නිලධාරීන්ගෙන් කරුණු විමසීමෙන් අනතුරුවයි.
ආරක්ෂක නීතිඥ මාක් ගෙරගොස් විසින් විනිසුරු බ්‍රෑන්ඩ්ලින් මහතා හමුවේ පවසා සිටියේ මෙම ගැටලුවට හේතුව, ප්‍රසංග සඳහා සහභාගී වීම සඳහා ලොස් ඇන්ජලීස් නගරයෙන් පිටතට යෑමට අධිකරණ අනුමැතිය අවශ්‍යය නොවන බවට ඔහුගේ කාර්යාලයෙන් බ්‍රවුන්(Chris Brown) වෙත ලබා දී තිබූ වැරදි උපදේශයක් බවයි.
එමෙන් ම විනිසුරු බ්‍රෑන්ඩ්ලින් තව දුරටත් කියා සිටියේ බ්‍රවුන්(Chris Brown) සිය ප්‍රජා සේවා කාලය සම්පූර්ණ නොකරන බව ඔහු දැන සිටි බැවින් එය අනපේක්ෂිත දෙයක් නොවන බවයි.
ජනවාරි මස අවසන් වීමට පෙර ප්‍රජා සේවා පැය 1000ක් ඔහු විසින් සම්පූර්ණ කිරීමට නියමිතව තිබුණත් ආසන්න වශයෙන් ගත් කල ඉන් පැය 200 කට ආසන්න ප්‍රමාණයක් බ්‍රවුන්(Chris Brown) විසින් මගහැර ඇති බවට බ්‍රෑන්ඩ්ලින් මහතා විසින් තවදුරටත් ප්‍රකාශ කරන ලදී.
0 comments :
Post a Comment