loading

කාර්යබහුල ජීවිතයකට අකමැති ලෝචනා ඉමාෂී

 

   රුව ඇති දුවෙකුයි, කට ඇති පුතෙකුයි පවුලක් සම්පූර්ණ කරනවා කියලා පැරැණනන් කිව්වට සමහර දූලා ඉන්නවා රුවයි කටයි දෙකම එක වගේ අරගෙන ඉපදෙන. ඒකට හොඳම උදාහරණය තමයි ලෝචනා ඉමාෂී(Lochana Imashi )  කියන්නේ. මේ දිනවල ස්වර්ණවාහිනිය ඔස්සේ විකාශණය වන “ලොක්කී” ටෙලිසිත්තමේ “නිරෝෂා” ලෙස ආලින්දයට පැමිණෙන ලෝචනා රංගනයෙන් වගේම නිවේදනයෙන් ද රසික සිත් වල ආදරයෙන් රැදුණු යොවුන් තාරකාවක්. ඒත් මේ දිනවල ඇය එක ටෙලි නිර්මාණයක් තුළින් පමණක් දකින්නට ලැබෙන්නේ ලෝචනා කලාවෙන් ඈත් වෙලා ඉන්න නිසාද කියලා ඇගේ රසිකයින් හිතනවා ඇති.  පසු ගිය දින වල නම් ඇය හුඟක් නිර්මාණ තුළින් දක්නට ලැබෙන නිළියක් වී සිටියා. එහෙත් ලෝචනා කියන්නේ ඒ කාර්ය බහුල ජීවිතය ඇයට ගැළපෙන්නේ නෑ කියලයි. ඒ නිසාම ඇය ටෙලිනාට්‍ය සඳහා ලැබුණු සමහර ආරාධනා පවා ප්‍රතික්ෂේපකර තිබෙනවා.

   ඒත් ටෙලි නිර්මාණ වලට රංගනයෙන් දායක වන එක සීමා කළාට ඇය සිනමාවට නම් පසු ගිය කාලයේ වැඩි ඉඩක් වෙන් කරලා තියෙනවා. මේ වසරෙදී ඇගේ රංගනයෙන් හැඩවුණු සිනමා නිර්මාණ කිහිපයක් ම තිරගත වීමට නියමිතයි. ඇය රංගන අත්වැල සැපයූ උදයකාන්ත වර්ණසූරිය ගේ "බහුබූතයෝ" චිත්‍රපටයේ දෙවැනි කොටස ලෙස සිනමාවට දායාද වීමට නියමිත “ගින්දරී” සිනමා නිර්මාණය සහ සුනෙත් මාලිංග අධ්‍යක්ෂණය කළ “3 වරක් 3 ” චිත්‍රපටය දැනටමත් රූගත කිරීම් අවසන් කර තිබෙනවා. "ගින්දරී" චිත්‍රපටයේ ඇය පණ පොවන්නේ විකට නළු රොඩ්නි වර්ණකුලසූරියගේ බිරිඳගේ චරිතයටයි.ලෝචනා ඉමාෂී(Lochana Imashi)  ගේ රසික පිරිසට “3 වරක් 3” චිත්‍රපටය තුළින් ලෝචනා ඉමාශිව රොබෝ කෙනෙක් ලෙස දැක ගැනීමේ හැකියාව ලැබෙනවා.


   ලෝචනා ඉමාෂී(Lochana Imashi) පවසන්නේ ඇයට ජනප්‍රිය නිළියක්‌ වනවාට වඩා කුසලතාපුර්ණ නිළියක්‌ ලෙස රංගන අබරෝර මත දීප්තිමත් වීම වැදගත් බවයි. ලෝචනා දක්ෂ රංගන ශිල්පිනියක බව “අභිනික්මන” චිත්‍රපටය හරහා කලාකාමී ප්‍රේක්‍ෂක ප්‍රජාවට ඔප්පු කර පෙන් වූ බවද  ඇය පවසනවා. ඉදිරියෙදීත් එවන් ගුණාත්මක නිර්මාණ හරහා අගේ රංගප්‍රතිභාව රසිකයින්ට දැකගන්නට සැලැස්වීමට අය අදහස් කරගෙන සිටිනවා.


   නිවේදිකාවක් ලෙස කලාවේ ගමන් මග අරඹා “සෙනෙහෙවන්තයෝ” ටෙලිසිත්තම හරහා සිනමාවට පිවිසි මේ යොවුන් තාරකාව ටෙලිනාට්‍ය 35කට පමණ සිය රංගන දායකත්වය සපයා තිබෙනවා. එහෙත් කලාවේ ඇය දුටු ලස්සනම සිහිනය වේදිකා නාට්‍ය ක්ෂේත්‍රයට පිවිසීම බව ඇය පවසනවා. “සිල්ගත් කොක්කු” සහ “දූවිලි” හරහා ලෝචනා එම සිහිනයත් සැබෑ කරගෙන අවසන්. ඒ නිසාම ලෝචනා ඉමාෂී(Lochana Imashi)  ඇගේ කලා දිවිය පිලිබඳ පසුවන්නේ ඉමහත් සතුටකින්.
Share on Google Plus
- Sri lanka's number one Entertainment Website dedicated for celebrities and fans -
    Blogger Comment
    Facebook Comment

0 comments :

Post a Comment