loading

ජගත් ලෝක කුසලාන වංශ කතාවේ පිටු අලුතින් ලියූ ක්‍රිස් ගේල් (Chris Gayle)

   ජගත් ක්‍රිකට් වංශ කතාවට නැවුම් වාර්තා රැසක් එක් කිරීමට අද දින ඕස්ටේ‍්‍රලියාවේ කැන්බරා නුවරදී සිම්බාබ්වේට එරෙහිව පවතී තරඟයේදී  ක‍්‍රිස් ගේල් සමත් විය. මෙම තරඟයේ කාසිය වාසිය කොදෙවුවන්ට හිමි වූ අතර පිති හරඹය සඳහා පිටියට පැමිණියේ ගේල් (Chris Gayle) සහ ස්මිත් විසිනි. එහෙත් නොසිතූ ලෙස තරඟය ආරම්භ වී සුළු මොහොතක් යන්නට මත්තෙන් ස්මිත් ලකුණු නොලබාම දැවී ගිය අතර ඉන් පසු ගේල් සමඟින් ඉනිම ගොඩ නැගීමට මාලන් සැමුවෙල් පිටියට අවතීර්ණ විය.

   කෙමෙන් කෙමෙන් ඉණිම ගොඩ නැගූ ගේල් සහ මාලෙන් එක්ව ලකුණු 372 ක සම්බධතාවයක් පවත්වා ගැනීමට සමත් වූ අතර ඉනිම නිමා වන විට මාලෙන් නොදැවී ලකුණු 133 ක් රැස් කර ගෙන තිබුණි. එමඟින් ජගත් එක්දින තරඟ පිටියේ ඕනෑම කඩුල්ලක් වෙනුවෙන් පිහිට වනු ලැබූ ඉහළම පිතිකරු සම්බන්ධතාවය ට හිමි කම් කීමට ගේල් ට සහ සමුවෙල් ට හැකි විය. මින් පෙර ඕනෑම කඩුල්ලක ඉහළතම එක්දින සම්බන්ධතාව(331) ගොඩ නගා තිබුණේ හිටපු ඉන්දීය ක්‍රීඩකයන් සචින් තෙන්ඩුල්කාර් සහ රාහුල් ද්‍රාවිඩ් විසිනි. ඒ නවසීලන්තයට එරෙහිව 1999 වසරේ දී පවතී තරඟයේදී ය.
ක්‍රිස් ගේල් ලකුණු පුවරුවේ තමාගේ ලකුණු සටහන් කළ අංක තහඩු සමඟ
   ලකුණු 215ක් ලබා ගනිමින් ගේල්(Chris Gayle) දැවී ගියේ තරඟයේ අවසන්ම පන්දුවේදි උඩපන්දුවක් ලබා දීමෙන්ය. ඔහු පන්දු 147කට මුහුණ දුන් අතර එයට හතරේ පහර 10ක් සහ හයේ පහර 16 ක් ඇතුලත් විය. මෙතෙක් වාර්තා අතරට එක්ව ඇති උපරිම හයේ පහර සංඛ්‍යාවේ සම තැනට පැමිණීමට ද එමඟින් ගේල් ට හැකි වූ අතර ඔහු දැවී ගියේ එම වාර්තාව බිඳ හෙළීමට අවසන් පන්දුවේදී උත්සාහ දැරීම නිසාය. එමෙන් ම ලෝක කුසලාන තරඟාවලියක දී ක්‍රීඩකයෙකු විසින් රැස් කළ ඉහළතම ලකුණු සංඛ්‍යාව ද මෙය වෙයි. ශෙවාග් හට හිමිව තිබු වේගවත්ම ද්විත්ව ශතකයේ(පන්දු 140දි) ලෝක වාර්තාවත් ගේල්(Chris Gayle) විසින් අද හිමි කර ගත්තේ පන්දු 138ක් පමණක් ඒ සඳහා වැය කරමිනි. වාර්තා පිට වාර්තා තබමින් ජගත් ක්‍රිකට් වංශ කතාවේ පිටු අලුත් කරන්නට සමත් වූ ගේල් ලෝක කුසලාන තරඟාවලියකදී වාර්තා වූ පළමු ද්විත්ව ශතකයට ද හිමිකම් කියන්නට සමත් විය.මෙම තරගයේ වීරයා සම්මානය ක්‍රිස් ගේල් හටම හිමි වූ අතර මෙම විජයග්‍රහණයත් සමඟ B කාණ්ඩයේ දෙවැනි තැනට පත් වීමට කොදෙවු පිළට හැකි විය.

   ක්‍රිකට් ලෝලීන් විස්මයට පත් කරමින් නැවතත් පුවත් අතරට පැමිණි ගේල් පසු ගිය වසර දෙකක පමණ කාලයක් තුළ විශාල පසු බෑමකට ලක්වු  පිති කරුවෙකි. මෙවර ඔහු සිම්බාබ්වේ ට එරෙහිව මෙතරම් වාර්තාගත අකුණු ප්‍රමාණයක් රැස් කරගනු ලැබුවේ 2013 දී ලංකාවට එරෙහිව ලකුණු 119 යක් ලබාගත් පසු නැවතත් ලකුණු අතරට පැමිණි පළමු අවස්ථාව ලෙසිනි. ඉන් අනතුරුව ඔහු පසුගිය වසරේ අගෝස්තු මස බංග්ලාදේශයට එරෙහිව ලකුණු 58ක් රැස් කළ අතර එය ඉනිම් විස්සක දී මේ වන තෙක් ඔහු රැස් කරගෙන තිබූ වැඩිම ලකුණු ප්‍රමාණය විය.


   එහෙත් මෙවර ලෝක කුසලාන ක්‍රිකට් තරඟාවලියේ දී  නැවතත් කරළියට පැමිණි ගේල්(Chris Gayle) ගේ විශ්මිත මෙන් ම භයානක පිති හරඹයට මුහුණ දෙන්නට ලෝක කුසලානය සඳහා තරඟ වදින කණ්ඩායම් වලට සිදු වන බවට ඉඟි දැනටමත් පළවී හමාරය.
Share on Google Plus
- Sri lanka's number one Entertainment Website dedicated for celebrities and fans -
    Blogger Comment
    Facebook Comment

0 comments :

Post a Comment